|
’A
MMIRIA
’A mmiria
é n’animale
assai schifuso.
Cu tutto ciò
sapisse quanta ggente
s’ ’o porta a casa
e ’o nutre,
l’accarezza,
e fino a ddint' 'o lietto
po’ l’accoglie.
Ma chianu chianu
sta puttan ’e bestia
l’acconce bbuon a lloro
pe’ li feste.
Spisso, o meglio,
quasi sempre,
tu ’e vvire gialli,
comm’ ’a ppuparuole!
Te guardono
cu ll’ uocchie spalancate
cu ’e musse sempre stritte
a nu parlà.
P’ ’a bestia che
se portano cu lloro
n’elogio oppure
na parola bbona
’a penzano sultanto
ma però
se tteneno nzerrate
rinte ’e ppanze
c’ ’ati penziere,
certo malamente,
che manco ponno
ricere, è evidente.
Francesco Raimondo
10 giugno 2005
.
Culure
Ncopp' a nu mare blu
Sotto a nu cielo celeste
Oggi Capri è cchiù azzurra!
Colori
Sopra un mare blu
Sotto un cielo celeste
Oggi Capri è più azzurra!
Francesco
Raimondo
10 giugno 2005
|
A
GELUSIA
Si
‘a mmiria è assai fetente
n’atu buono sentimento
è senz’altro ‘a gelusia.
Se po’ dicere che nasce
quasi sempre nzieme a nnuie.
Ce sta 'ncuollo ‘e 'na manera,
che pe’ fa nu paragone,
pienze a ll’ostrica cu ‘o scuoglio
o a ‘na busta e ‘o francobollo.
Nun è raro che ‘o nennillo,
o sia pure na nennella,
rint’ ‘a connola cuccata
a ‘nu frate, piccerillo,
s’ ha pigliato ‘na mazzata,
s’ha buscato ‘na sputata,
'nzieme ‘a mamma e pure 'o pate!
Cu l’età 'stu sentimento
cagne faccia, si trasforma,
s’annasconne e nun ‘o vire.
Se presenta all’intrasatte,
quanno a tiempo ‘e Primmavera,
‘a Natura, ch’è patrona,
dice a tutte: Eccome ccà!
Tanno so’ ddulure ‘e panze!
Pe’ ccuppiette ‘e primmo pelo
o pe’ ccoppie già attempate:
Chi sa’ mo’ che sta facenno!
Cu chi sta? Me sta trarenno?
Quanno sto pe’ mmiez’’a via
tutte guardano ‘a guagliona!
Certo è bbona, assai procace,
e pe' cchesto so’ ggeluso,
e sto sempre assai nervuso!
Si pe’ ll’ommo ce sta chesto
p’’a nennella è ‘a stessa cosa!
Se suspetta
ogni mumento!
Ogni gesto, ogni guardata
pare sempre n’attentato
‘e ‘na guerra dichiarata
addo’ morte e distruzione
stanno rinto. ‘Int’ ’e penziere
che ogni tanto, ascenno fore,
veramente so’ letale, e..
…..ne parlano ‘e giurnale!
Pe’. furtuna 'st’ evenienza
nun è certo assai frequente.
E’ frequente invece che
chi è colpito dal malanno
è motivo di sorriso, di risate,
di sarcasmo.
Ma la cosa po’ cchiù bella,
'na sapite? Eccola ccà,
è che rire proprio chi
tene ‘e ccorne ‘e sette Rri!
Francesco
Raimondo
17 giugno 2005
|
